„მიმდინარე წლის პირველ ნახევარში, როდესაც RFE/RL-ს დაფინანსების პრობლემები შეექმნა, „ტელეცენტრასი“, ორი თვის განმავლობაში – აპრილსა და მაისში – საკუთარი ხარჯებით გადასცემდა „რადიო თავისუფლების“ პროგრამას, მაგრამ ივნისში იძულებული გახდა, ამ სერვისის მიწოდება შეეწყვიტა“, – ნათქვამია სახელმწიფო კომპანია „რადიოსა და ტელევიზიის სერვისების“ ხელმძღვანელის, მარიუს სკუდუტისის მიერ ოთხშაბათს გავრცელებულ პრეს-რელიზში.
„მოხარული ვართ, რომ RFE/RL-მა დაფინანსების პრობლემები მოაგვარა, რამაც საშუალება მოგვცა, „რადიო თავისუფლების“ მაუწყებლობა დაუყოვნებლივ განგვეახლებინა“, – განაცხადა მან.
„რადიო თავისუფლება“ საერთაშორისო მედია-ჯგუფის, „რადიო თავისუფალი ევროპა/რადიო თავისუფლების“ რუსულენოვან სამსახურს წარმოადგენს.
„ტელეცენტრასის“ ინფორმაციით, „რადიო თავისუფლება“ ლიეტუვაში ყოველ დილით საშუალო ტალღის გადამცემიდან რეტრანსლირდება და მისი მაუწყებლობა 1000 კილომეტრის რადიუსში ვრცელდება.