დღეს დილით, ქალაქ სოზოპოლში, „ჰარმანის“ პოპულარულ პლაჟზე, სამხედრო დრონი აღმოაჩინეს, რამაც ადგილობრივ მოსახლეობასა და ტურისტებში, ერთდროულად, დიდი დაინტერესება და შეშფოთება გამოიწვია. პირველადი ინფორმაციით, პლაჟზე მყოფმა პირებმა წყალში უჩვეულო ობიექტი შენიშნეს და ამის შესახებ სამაშველო სამსახურს შეატყობინეს.
შემთხვევის ადგილზე მივიდნენ პოლიციის რაზმები, რომლებმაც ტერიტორიას ალყა შემოარტყეს. ადგილზე გამოცხადდნენ პოტენციურად საშიში მასალების გაუვნებელყოფის სპეციალისტებიც. ბურგასის საზღვაო ბაზის სამხედროებმა ნაპოვნი ობიექტი დაათვალიერეს და გაანადგურეს, თუმცა, ამ დროისთვის მის შესახებ ინფორმაცია არ არსებობს – კერძოდ, უცნობია, ის რუსული წარმოამავლობისაა თუ უკრაინული. ქალმა, რომელმაც დრონი პირველმა შენიშნა, განაცხადა, რომ დილის ვარჯიშის დროს ის წყალში დაინახა და უბედური შემთხვევის თავიდან ასაცილებლად, მისი ნაპირზე გამოტანა გადაწყვიტა. მას წარმოდგენა არ ჰქონდა, რამდენად საშიში შეიძლებოდა ყოფილიყო ობიექტი. ეს ინციდენტი აჩენს კითხვებს რეგიონში უსაფრთხოების შესახებ და ხაზს უსვამს შავი ზღვის რეგიონში სამხედრო ტექნოლოგიებზე კონტროლის გაძლიერების აუცილებლობას. ოფიციალური პირები აგრძელებენ გამოძიებას დრონის წარმოამვლობისა და დანიშნულების დასადგენად.