“ დიდი პატივი და პასუხისმგებლობაა მესამედ ვიყო წარდგენილი კრწანისის რაიონის მაჟორიტარი დეპუტატობის კანდიდატად”

დიდი პატივი და პასუხისმგებლობაა მესამედ ვიყო წარდგენილი კრწანისის რაიონის მაჟორიტარი დეპუტატობის კანდიდატად ქალაქ თბილისის საკრებულოში. უდიდესი მადლობა მინდა გადავუხადო პარტია „ქართული ოცნების” გუნდს მესამედ გამოცხადებული ნდობისთვის,- წერს სოციალურ ქსელში კრწანისის რაიონის მაჟორიტარი დეპუტატობის კანდიდატი ლევან ჯაფარიძე.

„ჩემო ძვირფასო კრწანისელებო, დიდი პატივი და პასუხისმგებლობაა მესამედ ვიყო წარდგენილი კრწანისის რაიონის მაჟორიტარი დეპუტატობის კანდიდატად ქალაქ თბილისის საკრებულოში. უდიდესი მადლობა მინდა გადავუხადო პარტია „ქართული ოცნების” გუნდს მესამედ გამოცხადებული ნდობისთვის. ამ დიდ ნდობას კი უდიდესი პასუხისმგებლობა ემატება.

განსაკუთრებული მადლიერება მინდა გამოვხატო ჩემი კრწანისელების მიმართ, იმ დიდი მხარდაჭერისთვის, რომელსაც ყოველთვის ვგრძნობ 2017 წლიდან, ჯერ როგორც გამგებლის და შემდეგ ორი მოწვევის საკრებულოს დეპუტატის რანგში. მადლობა მეგობრობისთვის, მეზობლობისთვის და გვერდში დგომისთვის.

სიამაყით ვიხსენებ გუნდთან ერთად განხორციელებულ არაერთ პროექტს, რამაც კრწანისი კიდევ უფრო ლამაზი, ადაპტირებული და მიმზიდველი გახადა. რა თქმა უნდა, კარგად ვიაზრებ, რომ გამოწვევები კიდევ რჩება. თითოეული კრწანისელის ჩართულობა ჩვენი რაიონის განვითარებაში უმნიშვნელოვანესია. ერთად უნდა განვსაზღვროთ სწორი პრიორიტეტები და მე ვიქნები თქვენი ხმა საკრებულოში. ჩემი მხრიდან პირობა უცვლელია, არ დავიღლები, ვიშრომებ თავდაუზოგავად, ვიქნები თითოეული კრწანისელის მეზობელი, მეგობარი და გულშემატკივარი. თბილისი ჩემი სულია, კრწანისი კი ჩემი გული!“,- წერს ჯაფარიძე.