“დიდი პატივია ვიყო ხულოს მუნიციპალიტეტის მერობის კანდიდატი, მადლობა ამ დიდი ნდობისთვის და შესაძლებლობისთვის რომ ვემსახურო ჩემს ხალხს”

ჩემთვის ძალიან დიდი პატივია, ვიყო ხულოს მუნიციპალიტეტის მერობის კანდიდატი და არჩევის შემთხვევაში მერი“, – განაცხადა „ქართული ოცნების” მერობის კანდიდატმა ვახტანგ ბერიძემ.

მან „ქართული ოცნების” მთელ გუნდს გამოცხადებული ნდობისთვის მადლობა გადაუხადა.

„მე მინდა, მადლობა გადავუხადო „ქართული ოცნება – დემოკრატიული საქართველოს” ხელმძღვანელობას. მინდა მადლობა გადავუხადო სულხან თამაზაშვილს, აჭარის მთავრობის თავმჯდომარეს ამ დიდი ნდობისთვის და შესაძლებლობების მოცემისთვის, რომ ვემსახურო ჩემს ხალხს“, – განაცხადა ვახტანგ ბერიძემ.