პარტიამ „გახარია საქართველოსთვის“ და „ლელო -ძლიერმა საქართველომ“ თბილისის მერობის საერთო კანდიდატად ირაკლი კუპრაძე წარადგინეს.
„ლელო – ძლიერი საქართველოს“ გენერალური მდივნის, ირაკლი კუპრაძის თბილისის მერობის კანდიდატად წარდგენა რიყის პარკში გაიმართა. კუპრაძე კანდიდატად ალეკო ელისაშვილმა წარადგინა.
„ერთად დავიბრუნოთ ჩვენი ქალაქები, სოფლები“ – ეს არის ორი პოლიტიკური პარტიის საერთო ლოზუნგი 4 ოქტომბრის არჩევნებზე.
პარტიებმა „გახარია საქართველოსთვის“ და „ლელომ“, თბილისის მერობის კანდიდატთან ერთად, ვიცე-მერობის კანდიდატებიც დაასახელეს.
კერძოდ, მათი კოალიციიდან ვიცე-მერობის კანდიდატები იქნებიან ალეკო ელისაშვილი და ტატა ხვედელიანი. გარდა ამისა, როგორც ორი პარტიის მერობის საერთო კანდიდატმა, ირაკლი კუპრაძე აღნიშნა, თბილისის საკრებულოს თავმჯდომარეობის კანდიდატი გიორგი შარაშიძე იქნება.