„მინდა ყველას ძალიან დიდი მადლობა გადავუხადო წინა წლებში, იმ ორ არჩევნებში, როცა ჩემი მოსახლეობა და ამომრჩეველი გვერდში დამიდგა. ამან ძალიან დიდი მოტივაცია შემძინა“-განაცხადა ასპინძაში „ქართული ოცნების“ მერობის კანდიდატმა როსტომ მაგრაქველიძემ.
როსტომ მაგრაქველიძე, რომელიც კენჭს მესამე ვადით იყრის აცხადებს, რომ მუნიციპალიტეტისთვის მთავარი პრიორიტეტი ინფრასტრუქტურა და განათლება იქნება.
“პრიორიტეტად ისევ რჩება ინფრასტრუქტურა. ამაში შედის, როგორც რაიონიდან სოფლებში დამაკავშირებელი გზები, ასევე, სოფლებისა და დაბის შიდა ქუჩების სრული რეაბილიტაცია. ასევე, პრიორიტეტად რჩება განათლება და კულტურა, ამიტომ, ჩვენ ინტენსიურად გავაგრძელებთ სკოლების მშენებლობას და რეაბილიტაციას. ამ კუთხით მომდევნო წლებშიც არა ერთი მნიშვნელოვანი პროექტი გვექნება, რომელიც ხელს შეუწყობს, ჩვენი მომავალი თაობის აღზრდასა და მათ სრულფასოვან განათლებას. ასევე, პრიორიტეტად რჩება სპორტული კუთხით განვითარება და სოფლად არსებული კლუბების მშენებლობა/რეაბილიტაცია“-აღნიშნა მაგრაქველიძემ
მისივე თქმით, საგზაო ინფრასტრუქტურას მნიშვნელოვანი ყურადღება დაეთმობა.
„2025 წელს, ასპინძის მუნიციპალიტეტში დაახლოებით 4 კილომენტრზე მეტი გზა დაიგება. სოფელ დამალისა და ასპინძის დამაკავშირებელი საგზაო ინფრასტრუქტურის რეაბილიტაცია მოეწყო. ეს დაახლოებით იყო 900 ათას ლარზე მეტი ლარის ღირებულების. სადაც არ ყოფილა შიდა გზები მოწესრიგებული, 2025 წლის ბოლომდე სრულად მოეწყობა. მიმდინარეობს ერთ-ერთი უპრეცედენტო პროექტი, რომელიც საშუალებას მოგვცემს, რომ პროექტის დასრულების შემდეგ, დაბა ასპინძის მოსახლეობას და იმ სოფლებს, რომელიც მოგახსენეთ, ექნებათ 24 საათიანი სასმელი წყლით მომარაგება“-განაცხადა როსტომ მაგრაქველიძემ.