ე.წ. კანიბალების საქმე და ახალი დეტალები

საზოგადოებრივი მაუწყებლის პირველი არხის ჟურნალისტური გამოძიების პროექტმა „გამომძიებელმა რეპორტიორმა“ დაასრულა მუშაობა საუკუნის უპრეცედენტო ფაქტის გამოძიებაზე – 2016 წლის 19 ოქტომბერს გაბრიელ სალოსის ქუჩაზე მომხდარი მკვლელობის ფაქტზე, რომელსაც კანიბალიზმის ნიშნებიც ერთვოდა.
საზოგადოება მოუთმენლად ელის გამოძიების შედეგებს, რადგან გადაცემის ავტორებმა რამდენჯერმა გაავრცელეს ინფორმაცია სოციალური მედიით, რომ მიაკვლიეს სრულიად ახალ რეალობებს, რომ ამ რეალობებმა შესაძლოა ძიების საქმე გადაატრიალოს.
”გამომძიებელი რეპორტიორი“ ადასტურებს, რომ მართლაც, ამ დრომდე უცნობ ფაქტებზე იქნება ფილმში საუბარი. მათ აღმოაჩინეს ახალი ნივთმტკიცებები და თვით აქამდე უცნობი პირის მონაწილეობის ვარაუდის საფუძვლებიც კი.
ე.წ. კანიბალების საქმის ჟურნალისტური გამოძიება, ორშაბათს 29 მაისს გავა საზოგადოებრივი მაუწყებლის პირველი არხის ეთერით.