“დღეს საქართველოს კონსტიტუციის დღეა, რომლის უმთავრესი მიზანი ჩვენი ქვეყნის სტაბილურობის უზრუნველყოფა და განმტკიცებაა”

დღეს საქართველოს კონსტიტუციის დღეა, იმ კონსტიტუციის, რომელიც დემოკრატიული წესით და ფორმითაა ჩამოყალიბებული, რომლის უმთავრესი მიზანი ჩვენი ქვეყნის სტაბილურობის უზრუნველყოფა და განმტკიცებაა, – წერს „ერთიანი ნეიტრალური საქართველოს“ წევრი, ლევან ნიკოლეიშვილი.

ნიკოლეიშვილის თქმით, მიუხედავად გარე ძალების მხრიდან კონსტიტუციური ცვლილებების არაერთგზის მცდელობისა, საქართველოს ხელისუფლების პრინციპულობის ხარჯზე მოხერხდა ეროვნული ინტერესების დაცვა.

„დღეს, საქართველოს კონსტიტუციის დღეა, იმ კონსტიტუციის რომელიც დემოკრატიული წესით და ფორმითაა ჩამოყალიბებული, რომლის უმთავრესი მიზანი ჩვენი ქვეყნის სტაბილურობის უზრუნველყოფა და განმტკიცებაა. მიუხედავად იმისა, რომ ამერიკის და ევროკავშირის ყოფილი ელჩების მხრიდან, მათ პატრონტაჟის ქვეშ მყოფი პოლიტიკური ჯგუფების მხარდაჭერის მიზნით, არაერთგზის იყო მცდელობა, მათთვის სასურველი კონსტიტიციური ცვლილებების შეტანის მცდელობისა, ხელისუფლების სასახელოდ უნდა ითქვას, რომ სწორედ მათი პრინციპულობის ხარჯზე მოხერხდა საქართველოს ეროვნული ინტერესებისა და სუვერენიტეტის დაცვა. სამწუხაროა, რომ დღესაც ხდება ჩვენი სახელმწიფოს უმთავრესი კანონის შეურაცყოფისა და იგნორირების მცდელობები. კონსტისუციის დამრღვევ პირებს, რომლებიც აბსოლუტურად კანონიერად იხდიან სასჯელს, ჩვენი დაუძინებელი ევროპელი მეგობრები პოლიტპატიმრებად მოიხსენიებენ, ხოლო ცალკეული პოლიტიკური პარტიების არაკონსტტუციურ ქმედებებს სიტყვის თავისუფლებად და დემოკრატიულ ნაბიჯებად აფასებენ. როგორც პრემიერ მინისტრმა ირაკლი კობახიძემ აღნიშნა „70 წლის მანძილზე, ვიდრე მიიღებოდა 1995 წლის კონსტიტუცია და შემდეგ უკვე მისი დღევანდელი რედაქცია, ჩვენი უმთავრესი გამოწვევა იყო, ბუნებრივია, საქართველოს სუვერენიტეტის ხელყოფა და აბსოლუტურად ლოგიკურია, რომ პირველი მუხლი სახელმწიფო სუვერენიტეტის იდეასა და პრინციპს ეძღვნება. ეს მთავარი გამოწვევაა დღესაც და მოხარული ვარ, რომ საქართველოს კონსტიტუცია რჩება საქართველოს სახელმწიფო სუვერენიტეტის მთავარ გარანტად.“ დიახ, ჩვენი დამოუკიდებელი სახელმწიფოს კონსტიტუცია, კიდევ მრავალი წლის განმავლობაში, მუდმივად იდგება სახელმწიფო სუვერენიტეტისა და ეროვნული ინტერესების სადარაჯოზე, მისი ხელყოფის ნებისმიერი მცდელობა კი ვისი მხრიდანაც და ვისი მზაკვრული შეკვეთითაც არ უნდა მოდიოდეს აუცილებელი კრახით დასრულდება“,- წერს ლევან ნიკოლეიშვილი.