ხელმოცარული და განადგურებული ოპოზიცია სექტემბრისთვის ისევ არეულობას გეგმავს. კოლექტიური „დიპიროების“ იმედად არიან, როგორც ჩანს. „გველმა შეიძლება კანი შეიცვალოს, მაგრამ ზნეს ვერ შეიცვლის“, – ასე ეხმაურება ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი ოპოზიციის დაანონსებულ აქციას.
მისი თქმით, რადიკალებს ახლაც ისეთივე მარცხი ელოდებათ, როგორც ეს წინა შემთხვევებში იყო, როდესაც ქვეყნის დესტაბილიზაციას ცდილობდნენ.
„ხელმოცარული და განადგურებული ოპოზიცია სექტემბრისთვის ისევ არეულობას გეგმავს და ისევ კოლექტიური „დიპიროების“ იმედად არიან, როგორც ჩანს, ვინაიდან ყველამ იცის, რომ ამ ადამიანებს არანაირი კაპიტალი საქართველოში არ გააჩნიათ. აქ კიდევ ერთხელ ჩანს მათი უსუსურობა, მათი უსამშობლოობა და ის, რომ ამ ზნეს ისინი არ იცვლიან. შეგვიძლია გავიხსენოთ კლასიკა, რომ „გველმა შეიძლება კანი შეიცვალოს, მაგრამ ზნეს ვერ შეიცვლის“. როგორც აქამდე იყო ყველა მათი გეგმა ამაო და განწირული მარცხისთვის, კიდევ უფრო მტკივნეულ მარცხს იწვნევენ ისინი“, – განაცხადა რატი იონათამიშვილმა.