რით ვერ გაიგეს და ისწავლეს დავალების მიმცემებმა და აქაურმა რადიკალებმა, რომ ეს გეგმა არის წარუმატებლობისთვის განწირული?! გამორიცხულია ქართველი ხალხის მოტყუება, – განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.
დეპუტატი ოპოზიციის დაანონსებულ აქციას და სამოქმედო გეგმებს გამოეხმაურა, რომელიც მათთვის IRI-ის პროგრამების დირექტორმა შეიმუშავა.
„უკვე მერამდენედ ხდება ქვეყნის ფარგლებს გარედან ორკესტრირება იმ პროცესების, რომლის განვითარებაც სურთ საქართველოში – მოვლენების რადიკალიზაცია, აქაური რადიკალების, ე.წ. არასამთავრობოების თავმოყრა. გეგმა, რომელზეც ვსაუბრობდით IRI-ის ხელმძღვანელისგან მოდის და გაცხადდა, რომ არის მცდელობა ამ გეგმის სისრულეში მოყვანის. რით ვერ გაიგეს და ისწავლეს დავალების მიმცემებმა და აქაურმა რადიკალებმა, რომ ეს გეგმა არის წარუმატებლობისთვის განწირული?! გამორიცხულია ქართველი ხალხის მოტყუება. ჩვენს საზოგადოებას ჩვენს ეროვნულ ინტერესზე უარს ვერ ათქმევინებენ. თუ რაიმე ნეგატიური გადაწყვეტილება იქნება ევროკავშირში მიღებული, თავიდან ბოლომდე ეს იქნება სუვერენიტეტდაკარგული ევროჩინოსნების დამსახურება და ბრალი“, – აღნიშნა მათიკაშვილმა.