კერძო დაწესებულებების ცალკეულ მომხმარებლებს შორის, საკმაოდ ხშირი იყო ნარკოტიკის გარეთ გამოტანის მცდელობები, რასაც, რა თქმა უნდა, ყოველ ჯერზე სათანადო რეაგირება მოჰყვა, – აღნიშნულის შესახებ ჯანდაცვის მინისტრმა მიხეილ სარჯველაძემ განაცხადა.
მინისტრმა, კიდევ ერთხელ მოუწოდა ბენეფიციარებს, მსგავსი ქმედებებისგან თავი შეიკავონ. მისი თქმით, პროგრამა ორიენტირებულია იმაზე, რომ მათ ჰქონდეთ მკურნალობის შესაძლებლობა და სახელმწიფო მსგავს მანკიერ პრაქტიკას არ დაუშვებს.
„ვისარგებლებ ამ შესაძლებლობით და ყველას მოვუწოდებ, თავი შეიკავონ მსგავსი ქმედებებისგან და ყველას ვთხოვ, გაითვალისწინონ, რომ აქ მომსახურება გულისხმობს მხოლოდ და მხოლოდ მკურნალობას. ასევე, აღარ ვისაუბრებ ცალკეულ ნაკლოვანებებზე, რომელიც გამოვლინდა ამ პროცესში. მაგალითად, არარეგულარული ინცინდენტური მომხმარებლების არსებობა – ანუ პროგრამაში ჩართული იყო ისიც, ვისაც კი არ სჭირდება, არამედ შესაძლოა, ხანდახან, სურვილი ჰქონდეს ნარკოტიკის მოხმარების“, – განაცხადა მიხეილ სარჯველაძემ.