5 წელი მიუსაჯეს ერთს, მეორეს – 3 წელი ძალადობისთვის, სად არიან ეს ევროპარლამენტარები? ვინმეს ახსოვს ეს ახალგაზრდები? ნუ გამოაყენებინებთ შვილებს. ახალგაზრდები გადამზადებას გადიან ბალტიისპირეთში, ამზადებენ 13 სექტემბრისთვის, – განაცხადა გადაცემაში „იმედი LIVE“ დიასპორისა და კავკასიის საკითხთა საპარლამენტო კომიტეტის თავმჯდომარე ირაკლი ზარქუამ.
მისი თქმით, კარგად გამოჩნდა თუ რა როლი ჰქონდა, როგორც წინა აქციების დროს, ასევე, ახლა, ახალი
აქციის მომზადების პროცესში ადგილობრივ მდიდარ „ენჯეოებს“.
„ის რაც ჩვენ ბოლო წლების განმავლობაში არასამთავრობო ორგანიზაციების როლი ვნახეთ და განსაკუთრებით გასული წლის ნოემბერ-დეკემბერში, ორგანიზაციები, რომლებიც უნდა იცავდნენ შშმ პირების უფლებებს, ატარებდნენ გარემოსდაცვით ღონისძიებებს, უნდა იცავდნენ ადამიანის უფლებებს, ამაში იღებენ მილიონობით დაფინანსებებს. აღმოჩნდა, რომ გამოდიან, წახალისებას აკეთებენ ახალგაზრდების ძალადობისკენ, მიტინგზეც გამოვიდნენ და „დავამხოთ ეს მთავრობა“ მოწოდებები იყო. აბა, რომელიმე არასამთავრობო ორგანიზაციამ გაბედოს ან აშშ-ში ან ევროკავშირში განცხადება მაინც გააკეთოს ამ წესდების მიღმა. წესდებაში სულ სხვა რამე უწერიათ და თურმე ჯიგრები აფინანსებენ გადატრიალებას, პიროტექნიკის შესყიდვას, აირწინაღების, „სპრეის“, სპეციალური ფარების და ხელკეტების, რომ უკეთესად გაუწიონ წინააღმდეგობა და შეტევაზე გადავიდნენ.
დასკვნას, რომელიმე ორგანიზაცია თუ დადებს, რომ ამერიკაში მოქმედი კანონი [ფარა] არის ადამიანის უფლებების შემლახველი სიტყვის და გამოხატვის თავისუფლების წინააღმდეგ, მერე უკვე ჩვენც ვიმსჯელებთ, რომ მართლა ხომ არ არის. ეს არის ორმაგი სტანდარტის ნათელი დემონსტრირება. ის რაც მისაღებია მათთვის, ჩვენთვის არის მიუღებელი. ხომ ვნახეთ USAID რა სიბოროტეს აფინანსებდა თურმე. ეს ადგილობრივი უსამშობლოების ორგანიზაციები, მდიდარი „ენჯეოშნიკები“რას აფინანსებდნენ? კიდევ უფრო ცხადი გახდა, რომ „ფარა“ და „გამჭვირვალობის კანონი“ რომელიც მივიღეთ დღესავით საჭირო იყო“, – განაცხადა ირაკლი ზარქუამ.
მისი თქმით, ბალტიისპირეთში ჩაჰყავთ ახალგაზრდები და მორიგი გადატრიალებისთვის ამზადებენ.
„მე მივმართე მშობლებს, რომ ნუ გამოაყენებინებთ შვილებს. გახსოვთ ნოემბერ-დეკემბერში აქციები, რომ იმართებოდა აქ ჩამწკრივებულები, რომ ჩამოდიოდნენ ევროპარლამენტარები, საგარეო საქმეთა მინისტრები, რომ მოუწოდებდნენ… 5 წელი მიუსაჯეს ერთს, მეორეს – სამი წელი ძალადობისთვის. სად არიან ეს ევროპარლამენტარები? ვინმეს ახსოვს ეს ახალგაზრდები? ჩვენ გული გვტკივა, რომ ვუყურებთ. იმიტომ, რომ ის ახალგაზრდები გამოიყენეს ამათმა, წაახალისეს, დანაშაული ჩაადენინეს. ევროკავშირის სხვადასხვა ქვეყნების საგარეო მინისტრები სადმე ჩანან? აი, ასეა. ფეხებზე დაიკიდებენ მომავალშიც. ნუ გამოაყენებინებთ თქვენს შვილებს, მოიკითხეთ. ის ტრენინგები, რომ ტარდება ამზადებენ ძალადობისკენ. თვითონ ისევ მილიონებს ჩაიჯიბავენ. ამასთან დაკავშირებით, ეს განცხადება, რომ გავაკეთე, რომ ეს ახალგაზრდები გადამზადებას გადიან ბალტიისპირეთში, შემდეგ 13 სექტემბრიდან, რომ ისევ ქაოსი, დაძაბულობა, პიკეტირება, სახელმწიფო უწყებების გადაკეტვა და ა.შ. ამისთვის ამზადებენ მეთქი. გამოვარდა ბოკერიას გიჟი, რომ არის ჩერგო და შეურაცხყოფა მომაყენა, რომ „მტყუანს ასე და ასეო“. აგერ გეუბნები პირდაპირ ეთერში-„დავი“. რამდენი 13 სექტემბრიდან ეს ახალგაზრდები გადაკეტავენ ქუჩებს, სახელმწიფო უწყებებს ძალადობისკენ მოუწოდებენ და შეტაკება იქნება იმდენი შეგეწერება შენ“, – განაცხადა ირაკლი ზარქუამ.