პორტუგალიის პრეზიდენტმა მარსელო რებელუ დე სოუზამ განაცხადა, რომ აშშ-ის პრეზიდენტი დონალდ ტრამპი მოქმედებს, როგორც „რუსეთის აგენტი“ რადგან უკრაინის კონფლიქტში უპირატესობას მოსკოვს ანიჭებს.
აღნიშნული განცხადება მან ქალაქ კაშტელუ-დე-ვიდეში ზაფხულის უნივერსიტეტის ახალგაზრდულ ღონისძიებაზე გააკეთა.
სოუზა გამოსვლის დროს საერთაშორისო ვითარებასა და თანამედროვე გამოწვევებზე საუბრობდა. მან ტრამპი, როგორც ახალი სტილის მქონე პოლიტიკური ლიდერი დაახასიათა, უფრო ემოციური, რომელიც მოქალაქეებს პირისპირ, შუამავლების გარეშე ესაუბრება.
„სუპერსახელმწიფოს ლიდერი ობიექტურად არის საბჭოთა ან რუსეთის აგენტი. ის მოქმედებს როგორც აგენტი“, – თქვა პორტუგალიის პრეზიდენტმა.
კომენტარები