ევროკავშირი გეგმავს ფონდის შექმნას, რომელიც ხელს შეუწყობს თითქმის 200 მილიარდი ევროს ოდენობის გაყინული რუსული აქტივების უკრაინისთვის გადაცემას. აღნიშნულის შესახებ „პოლიტიკო“ წერს.
„ჩვენ ვაგრძელებთ მუშაობას გაყინულ რუსულ აქტივებზე, რათა დავეხმაროთ უკრაინას თავდაცვასა და რეკონსტრუქციაში“, – განაცხადა ევროკომისიის პრეზიდენტმა, ურსულა ფონ დერ ლაიენმა.
როგორც „პოლიტიკო“ წერს, მნიშვნელოვანია, რომ გეგმა არ გულისხმობს აქტივების დაუყოვნებლივ კონფისკაციას, რასაც ევროკავშირის ქვეყნების უმეტესობა ეწინააღმდეგება ფინანსური და იურიდიული რისკების გამო.
გამოცემის ცნობით, ევროკავშირის წევრი ქვეყნის ლიდერები ამ საკითხს, სავარაუდოდ, ხვალ კოპენჰაგენში დაგეგმილ არაფორმალურ შეხვედრაზე განიხილავენ.
კომენტარები