მდიდარი არასამთავრობოები სახელმწიფოს საბოტაჟის სამსახურში – როგორც ცნობილია, გავლენიანი „ენჯეოები“ აქციების მონაწილეებს აირწინაღებით, წიწაკის სპრეით და სხვა მასალებით შემდგომი ძალადობრივი ქმედებებისთვის ამარაგებდნენ. გარდა ამისა, არასამთავრობო ორგანიზაციები ამავე კანონდამრღვევ აქტივისტებს უხდიდნენ ჯარიმებს, რათა მათ ძალადობრივი ქმედებების შემდგომ განხორციელებაში დაბრკოლება არ შეჰქმნოდათ.
კერძოდ, „იმედისთვის“ ცნობილი ხდება „საქართველოს დემოკრატიული ინიციატივის“ და „ნანუკას ფონდის“ მიერ რადიკალების სამართალდარღვევის გამო გადახდილი ჯარიმების შესახებ. საქმის მასალებით ირკვევა, რომ „საქართველოს დემოკრატიულმა ინიციატივამ“, რომლის თავმჯდომარე ედუარდ მარიკაშვილია, პატიმრებისა და მათი ოჯახებისთვის 100 000 ლარამდე გადაიხადა. ასევე, ცნობილია „ნანუკას ფონდის“ მიერ გადახდილი თანხის ოდენობა, რომელიც ქველმოქმედების საფარქვეშ ახალისებდა ძალადობას. ფონდის მიერ ადმინისტრაციული სამართალდარღვევის გამო ფიზიკური პირებისათვის გამოწერილი ჯარიმების დასაფარად ან პატიმრებისა და მათი ოჯახებისთვის გადარიცხული თანხები 300 000 ლარს აღემატება. ეს არის მხოლოდ ორი მაგალითი იმისა, თუ რა სქემით მუშაობდა თითქმის ყველა „ენჯეო”, ისევე, როგორც ე.წ. საქველმოქმედო ფონდები.
უფრო კონკრეტულად, არასამთავრობოების მოქმედების სქემა შემდეგნაირია: გარდა იმისა, რომ ისინი ძალადობრივი აქციების ორგანიზატორები იყვნენ, აქციის მონაწილეების ისეთი მასალებით აღჭურვას უზრუნველყოფდნენ, რაც ძალადობრივი ქმედებების შემდეგ პოლიციის მიერ სპეციალური საშუალებების გამოყენებისას გამოადგებოდათ, ასევე, კანონდამრღვევ დემონსტრანტებს კანონიერი სასჯელისგან თავის არიდების მიზნით აფინანსებდნენ, რაც მათ ძალადობრივი ქმედებების გაგრძელების საშუალებას აძლევდა.