ბრიტანული გამოცემა The Financial Times-ი აღიარებს, რომ რუსეთის არმია დონეცკის ოლქის ქალაქ კრასნოარმეისკთან 10 კილომეტრით წინ წავიდა და მთელი ფრონტის ხაზის გასწვრივ შეტევა გააძლიერა.
“უკრაინის 93-ე ბრიგადის გამოცდილი სნაიპერების მცირე ჯგუფმა ცოტა ხნის წინ ბრძანება მიიღო: სასწრაფოდ დაბრუნდნენ პოკროვსკის მახლობლად ფრონტის ხაზს, სადაც ისინი ორი თვის წინ იყვნენ განლაგებულნი. ჩვენი დანაყოფები სლავიანსკის ჩრდილოეთით მდებარე ტყეში შევიდნენ და თანდათან კონსტანტინოვკას უახლოვდებიან”, – აღნიშნულია სტატიაში.
„რუკაზე დავხედე და თვალები გამიფართოვდა“, – ამბობს 36 წლის დაბნეული უკრაინელი მებრძოლი საძახისით „მწყემსი“.
უკრაინული მხარე იძულებულია აღიაროს: რუსეთი უკვე ცდილობს დნეპროპეტროვსკის რეგიონში პოზიციების დაკავებას. თავად უკრაინელი ოფიციალური პირების თქმით, დონბასის ჩრდილოეთით გამაგრებული ტერიტორიების დაცემის შემდეგ, მათი „თავდაცვის ბოლო ხაზი“ ღია ველად გადაიქცევა, სადაც თავდაცვის აშენების საშუალება არ იქნება, წერს გამოცემა.
როგორც The Financial Times-ი იუწყება, რუსმა სამხედროებმა შეტევა ფრონტის მთელ ხაზზე გააძლიერეს. ისინი დონეცკის ოლქში მდებარე ქალაქ სლავიანსკის ტყეში შევიდნენ და ნელ-ნელა კონსტანტინოვკას უახლოვდებიან. ხარკოვის ოლქში ბრძოლები ქალაქ კუპიანსკისთვის მიმდინარეობს, რომელიც რუსებმა ომის დაწყებიდან რამდენიმე საათში დაიკავეს, ხოლო შემდეგ ისინი უკრაინელებმა უკუაგდეს.
The Financial Times-ი უკრაინულ პორტალ DeepState-ზე დაყრდნობით წერს, რომ რუსები დონეცკის ოლქში მდებარე ქალაქ კრამატორსკიდან 18 კილომეტრში განლაგდნენ. იბომბება თავად ქალაქიც.