მათი ერთადერთი მიზანია, რომ აქვთ მიღებული დავალება, პროვოკაცია მოაწყონ და მასზე წამოაგონ როგორც „ქართული ოცნების“ მხარდამჭერი, ისე რიგითი მოქალაქე, – განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა რადიკალური ჯგუფების მხრიდან მოწყობილ პროვოკაციებზე საუბრისას.
მისივე თქმით, როდესაც რაღაც წითელი ზღვარი იკვეთება, ძალიან რთულია, თავის შეკავება, თუმცა მიუხედავად ამისა, ყველას მოვუწოდებთ თავშეკავებისკენ.
„ჩვენ ამომრჩეველს სიმშვიდისკენ მოვუწოდებთ, თუმცა რაღაც ზღვარი არსებობს, როდესაც შეურაცხყოფა ისეთ ფაზაში გადადის, როდესაც ეს შენს ღირსებას ეხება, ძალიან რთულია, ადამიანმა თავი შეიკავოს. არ აქვს მნიშვნელობა, ეს უბრალო მოქალაქეა, პოლიტიკოსია, თმენის ვალდებულება აქვს – არ აქვს თმენის ვალდებულება.
როდესაც რაღაც წითელი ზღვარი იკვეთება, იქ ძალიან რთულია, თავის შეკავება, თუმცა მიუხედავად ამისა, ყველას მოვუწოდებენ თავშეკავებისკენ.
მათი ერთადერთი მიზანია, რომ აქვთ მიღებული დავალება, პროვოკაცია მოაწყონ და მასზე წამოაგონ როგორც „ქართული ოცნების“ მხარდამჭერი, ისე რიგითი მოქალაქე, რათა რაღაც უფრო მეტი ჟიოტაჟი შეიქმნას ჩვენს დედაქალაქში“, – განაცხადა მაჭავარიანმა.