ფაქტობრივად, ეს არის რადიკალური აგენტურა საქართველოში. კიდევ ერთხელ ვამბობ, მიჭირს ამ ძალაზე საერთოდ ვისაუბრო როგორც პოლიტიკურ პარტიებზე და პოლიტიკოსებზე, – განაცხადა გადაცემაში „იმედი LIVE“ რადიკალურ ოპოზიციაზე საუბრისას კულტურის საპარლამენტო კომიტეტის თავმჯდომარემ, საზოგადოება „ქართულის“ ლიდერმა გიორგი გაბუნიამ.
მისივე თქმით, მათ აქვთ კონკრეტული დავალება, ისინი იმართებიან გარედან.
„აქვთ სერიოზული დაფინანსება. შექმნეს ისეთი ფონი, რომ ნაწილი ამ პარტიისა, ორი დაჯგუფება შემოაგდეს არჩევნებში, ეს კიდევ ცალკე სასაუბრო თემაა. ძირითადი ბირთვი რჩება პოლიტიკური პროცესის გარეთ. მათ აქვთ ეს ფინანსები მობილიზებული იმისთვის, რომ მაქსიმალურად გაამწვავონ პროცესები არჩევნების შემდგომ.
გუშინ რაც ვნახეთ, ეს არის მათი მაქსიმალური რესურსი. ეს არის წმინდა პარტიული აქტივი, რომელიც მათ შეუძლიათ შეკრიბონ“, – აღნიშნა გიორგი გაბუნიამ.