The Jerusalem Post-ის ინფორმაცია, რომ კვირას, 14 სექტემბერს ბათუმში ადგილობრივმა სამართალდამცველებმა დააკავეს Tinder Swindler-ის გმირი, თაღლითი საიმონ ლევიევი [ნამდვილი სახელი შიმონ ჰაიუთი], „იმედინიუსს“ შინაგან საქმეთა სამინისტროში დაუდასტურეს.
უწყებაში ამბობენ, რომ საიმონ ლევიელი ინტერპოლის მიერ არის ძებნილი და დაკავებაც ამის ფარგლებში მოხდა.
The Jerusalem Post-ის თანახმად, თაღლითი შიმონ ჰაიუთის დაკავების საფუძველი უცნობია, მათ შორის, მისი ადვოკატებისთვისაც.
„მე მას დაკავების შემდეგ ვესაუბრე, მაგრამ მიზეზი ჯერ არ ვიცი. ის თავისუფლად მოგზაურობს მთელ მსოფლიოში“, – უთხრა Walla-ს ადვოკატმა.
საიმონ ლევიევი ისრაელელი თაღლითია. ის, Netflix-ის დოკუმენტური სერიალის, Tinder Swindler-ს თანახმად, თავს წლების განმავლობაში წარმოაჩენდა, როგორც ბრილიანტების მაგნატის მემკვიდრედ, ქალებს გაცნობის აპლიკაცია Tinder-ით უკავშირდებოდა და ფუფუნების საგნების ჩვენებით არწმუნებდა, რომ ნამდვილად მდიდარი იყო, შემდეგ კი სხვადასხვა თაღლითური სქემის გამოყენებით ამ ქალებს ფულს ართმევდა.