აშშ-ის სახელმწიფო მდივანი მარკო რუბიო იერუსალიმში ისრაელის პრემიერ-მინისტრს, ბენიამინ ნეთანიაჰუს შეხვდა.
მარკო რუბიო ისრაელში სამდღიანი ვიზიტით იმყოფება.
აშშ-ის სახელმწიფო მდივანმა განაცხადა, რომ ისრაელისგან ელოდება პასუხს, თუ როგორ ხედავს ღაზის სექტორში არსებული მდგომარეობიდან გამოსავალს დოჰაზე განხორციელებული თავდასხმის შემდეგ.
თავის მხრივ, ბენიამინ ნეთანიაჰუმ სახელმწიფო მდივნის ვიზიტი „ისრაელ-ამერიკული ალიანსის სიმტკიცის დასტურად“ შეაფასა.
ცნობისთვის, ისრაელმა კატარში „ჰამასის“ ხელმძღვანელობაზე იერიში მიიტანა. სამიზნე დოჰაში მდებარე „ჰამასის“ ხელმძღვანელობის შტაბ-ბინა იყო. „ჰამასში“ განაცხადეს, რომ თავდასხმის დროს ექვსი ადამიანი დაიღუპა, მათ შორის დაჯგუფების ხუთი წევრი.
კომენტარები