საპარლამენტო პოლიტიკური ჯგუფის „ხალხის ძალის“ თავმჯდომარე დიმიტრი ხუნდაძე „ქრონიკასთან“ ეუთო/ოდირის საქართველოში, თვითმმართველობის არჩევნებზე ჩამოსვლაზე უარს გამოეხმაურა.
„ვფიქრობ, ისინი [ეუთო/ოდირის დამკვირვებლები] საქართველოში ჩამოსვლის შემთხვევაშიც ვერ იქნებოდნენ ობიექტურები. ბულინგის გამოცდილება მათ აქვთ, რამაც დააშინა. ასეთი დაშინებული დამკვირვებლები ვფიქრობ ობიექტურობას ვერ დაიცავენ“, – აღნიშნა ხუნდაძემ.
4 ოქტომბრის არჩევნებზე დასასწრებად, საქართველოს ხელისუფლებამ, ეუთო/ოდირს წერილი 6 სექტემბერს გაუგზავნა. 9 სექტემბერს ცნობილი გახდა, რომ დროის სიმცირის მოტივით, ეუთო/ოდირმა საქართველოში სადამკვირვებლო მისიის გამოგზავნაზე უარი განაცხადა.
აღსანიშნავია ისიც, რომ 2007 წელს სააკაშვილის გადადგომის შემდეგ, 2008 წლის საპრეზიდენტო არჩევნებზე მისია მოწვევიდან სწორედ 1 თვეში ჩამოვიდა.