გაეროს სამიტზე, რომელიც ორსახელმწიფოებრივ გადაწყვეტილებას ეძღვნებოდა, პალესტინის ავტონომიის პრეზიდენტმა, მაჰმუდ აბასმა განაცხადა, რომ „ჰამასს“ ღაზის მმართველობაში არანაირი როლი არ ექნება.
ამასთან, მან მოუწოდა „ჰამასსა“ და სხვა დაჯგუფებებს, იარაღი პალესტინის ავტონომიას გადასცენ.
„ჰამასს“ ღაზის მმართველობაში არანაირი როლი არ ექნება. „ჰამასი“ და სხვა დაჯგუფებები იძულებულნი იქნებიან, იარაღი პალესტინის ავტონომიას გადასცენ“, – განაცხადა მან ვიდეოჩართვისას.
აღსანიშნავია, რომ შეერთებულმა შტატებმა მას სამიტზე დასასწრებად ვიზაზე უარი უთხრა.
აბასმა ასევე დაგმო სამოქალაქო პირების დახოცვა და ტყვედ აყვანა, მათ შორის, „ჰამასის“ ქმედებები 2023 წლის 7 ოქტომბერს.
კომენტარები