პარლამენტის განათლების, მეცნიერების და ახალგაზრდულ საქმეთა კომიტეტის თავმჯდომარე მარიამ ლაშხი, სამუშაო ვიზიტის ფარგლებში, სომხეთში ცენტრ TUMO-ს ეწვია, – ინფორმაციას საქართველოს პარლამენტი ავრცელებს.
„კომიტეტის თავმჯდომარე ცენტრის ფუნქციონირების მოდელს და იმ უნარებს გაეცნო, რომელსაც ახალგაზრდები ამ ცენტრში ეუფლებიან.
TUMO 12-დან 18 წლამდე ახალგაზრდებისთვის შექმნილი ციფრული და შემოქმედებითი განათლების გლობალურად აღიარებული მოდელია, რომელიც ერევანში 2011 წელს დაარსდა და მას შემდეგ როგორც სომხეთში, ასევე, საერთაშორისო დონეზე გაფართოვდა.
ცენტრ TUMO-ს გახსნა უახლოეს მომავალში საქართველოში, ქუთაისის ტექნოლოგიური პარკის ბაზაზეც იგეგმება“, – აღნიშნულია გავრცელებულ ინფორმაციაში.
კომენტარები