საარჩევნო კამპანია ჩვენთან, რაიონში მიდის მშვიდ და წყნარ გარემოში. ყოველდღიურად შეხვედრები გვაქვს მოსახლეობასთან. ფონი ისეთია, მოსახლეობის მხრიდან ისეთი განწყობაა, რომ „ქართულ ოცნებას“ ალტერნატივა არ აქვს, – განაცხადა „დღის ქრონიკასთან“ „ქართული ოცნების“ მაჟორიტარობის კანდიდატმა ნაძალადევის რაიონში შალვა მაისურაძემ.
მისი თქმით, ნაძალადევის რაიონში ძირითად პრობლემას წარმოადგენს უამინდობის დროს წყლის დიდი რაოდენობის გამტარუუნარობა.
შალვა მაისურაძის განცხადებით, ამ მიმართულებით მიმდინარეობს მუშაობა.
„ნაძალადევი ძველი უბანია, კომუნიკაციები ძალიან ადრეა გაკეთებული. უხვი ნალექის შემთხვევაში მისი გამტარუნარიანობა ნაკლებია და პრობლემები აქედან იქმნება. გამგეობა, მუნიციპალიტეტი მზად არის, რომ აღნიშნული საკითხები მოაგვაროს. უბრალოდ გვექმნება კომუნიკაციებზე პრობლემა, რომელიც ეკუთვნის კერძ კომპანიას. წინა დღეებში შეხვედრა გვქონდა და მივიღეთ დაპირება GWP გამოჰყვება გამგეობას გზების რეაბილიტაციის პერიოდში.
გამგეობა და მუნიციპალიტეტი მზად არის, რომ აღნიშნული საკითხები მოაგვაროს“, – განაცხადა შალვა მაისურაძემ.
მისი თქმით, შეხვედრებისას ისმენს თუ რა პრობლემები აქვს მოსახლეობას და რა გზით შეიძლება დაეხმაროს გამგეობა ან მუნიციპალიტეტი.
შალვა მაისურაძის განცხადებით, ხშირად არის შემთხვევა, რომ ინფორმაციის ნაკლებობის გამო მოქალაქეები ვერ სარგებლობენ იმ სიკეთეებით, რომელსაც გამგეობები პროგრამების სახით სთავაზობენ. მსგავსი შეხვედრები კი საშუალებას იძლევა, რომ ამ პროგრამების შესახებ მოსახლეობამ მეტი გაიგოს.
მისივე შეფასებით, მოსახლეობის განწყობიდან გამომდინარე შეიძლება ითქვას, რომ „ქართულ ოცნებას“ ალტერნატივა არ აქვს.
„ფონი ისეთია, მოსახლეობის მხრიდან ისეთი განწყობაა, რომ „ქართულ ოცნებას“ ალტერნატივა არ აქვს. გუშინდელმა ჩვენმა შეხვედრამაც დაგვანახა, თუ როგორი ამომრჩეველი და მხარდამჭერი ჰყავს ქართულ ოცნებას, როგორი განწყობა აქვს ხალხს კახა კალაძის მიმართ და თითოეული ადამიანის მიმართ, ვინც არჩევნებში იღებს მონაწილეობას“, – განაცხადა შალვა მაისურაძემ.