“…ამიტომ გაიწირა მამაო”

“მამა გიორგი ჩემი ნათლია და სულიერი მამაა. მჯერა მისი უდანაშაულობის. ედიშერ ქარჩავას მივმართავ _ შორენას და მხედრიონელ იაკობის მონობას ურჩევნია, კაცური პოზიცია დაიკავოს. დღეს მამა გიორგის ბევრი გულშემატკივარი ჰყავს, მაგრამ წინა სასამართლოზე პირადად ჩემს 100 მეგობარს, ვისთანაც მიმოწერა მქონდა, პროკურატურა დაემუქრა, არ დაგინახოთ სასამართლოზე მისულებიო. ამიტომ ვერ მოვიდა წინა სასამართლოზეც და დღესაც მამა გიორგის მრევლი. ნუ გვაიძულებენ აქციები დავიწყოთ. მამა იაკობს ბევრი ბიზნესი აქვს შეკრული მთავრობასთან და ამიტომ გაიწირა მამაო. მე და მამა გიორგი დღედაღამ ერთად ვიყავით. ვიცი, დეკანოზი იმიტომ გაწირეს, რომ მას ისეთი ინფორმაცია ჰქონდა, რომლის გარეთ გამოტანასაც აპირებდა. ის იარაღიც, რომლის უკანონო შენახვასაც აბრალებენ, მისი კი არა, ირაკლი მამალაძისაა. სწორედ მან შეანახვინა დეკანოზს”, – ამბობს მარიამ მამარდაშვილი.