უკრაინის პრეზიდენტმა, ვოლოდიმირ ზელენსკიმ ხელი მოაწერა განკარგულებას, რომლითაც ქვეყნის მოქალაქეობა ჩამოერთვა ოდესის მერს, გენადი ტრუხანოვს, ბალეტის მოცეკვავე სერგეი პოლუნინსა და პარლამენტის ყოფილ დეპუტატს, ოლეგ ცარევს.
ზელენსკიმ თავის Telegram-არხზე დაწერილ პოსტში კონკრეტული სახელების დასახელების გარეშე აღნიშნა, რომ უკრაინის უშიშროების სამსახურის ხელმძღვანელმა, ვასილი მალიუკმა მორიგ შეხვედრაზე „მოახსენა რუსული აგენტურული ქსელებისა და კოლაბორანტების წინააღმდეგ ბრძოლის შესახებ“.
„ასევე დადასტურდა, რომ ზოგიერთ პირს აქვს რუსეთის მოქალაქეობა – მომზადდა შესაბამისი გადაწყვეტილებები მათთან დაკავშირებით. განკარგულებას ხელი მოვაწერე“, – განაცხადა უკრაინის ლიდერმა.
კომენტარები