ევროკომისიამ წარადგინა თავდაცვის მზადყოფნის გეგმა (Defense Readiness Roadmap), რომლის მიზანია 2030 წლისთვის ბლოკის მომზადება, რათა მას „დამაჯერებლად შეეძლოს მოწინააღმდეგეების შეკავება და ნებისმიერ აგრესიაზე რეაგირება“. ინფორმაციას ამის შესახებ გამოცემა POLITICO ავრცელებს.
დოკუმენტის თანახმად, ხუთი წლის განმავლობაში ევროკავშირმა უნდა შეძლოს იმ „მუდმივად ცვალებად საფრთხეებზე რეაგირება“, რომელთა წინაშეც დგას, განსაკუთრებით რუსეთის მხრიდან, რომელიც „ევროპის უსაფრთხოებისთვის უახლოეს მომავალში მუდმივ საფრთხეს წარმოადგენს“.
„ბოლოდროინდელ,ა საფრთხეებმა აჩვენა, რომ ევროპა რისკის ქვეშაა. ჩვენ უნდა დავიცვათ ყოველი მოქალაქე და ჩვენი ტერიტორიის ყოველი კვადრატული სანტიმეტრი“, – განაცხადა ევროკომისიის პრეზიდენტმა, ურსულა ფონ დერ ლაიენმა.
ევროკომისიამ გეგმაში ოთხი ძირითადი პროექტი გამოკვეთა, ასევე ბლოკის სამხედრო-სამრეწველო კომპლექსის გაძლიერება უკრაინის მხარდაჭერის გაგრძელებასთან ერთად, რომელიც „ევროპის თავდაცვისა და უსაფრთხოების არქიტექტურის განუყოფელ ნაწილად“ ითვლება.
ფონ დერ ლაიენი ამ გეგმას ევროკავშირის ლიდერებს 23 ოქტომბრის სამიტზე წარუდგენს.