რუსეთმა გვიან ღამით ოკუპირებულ ყირიმში უკრაინული დრონების შეტევის მოგერიების დროს თავისი სამხედრო თვითმფრინავი ჩამოაგდო, – განაცხადა უკრაინის შეიარაღებული ძალების სამხედრო-საზღვაო ძალების სპიკერმა დიმიტრი პლეტენჩუკმა უკრაინულ მედიასთან ინტერვიუს დროს.
„ისინი [რუსები] ყირიმში ისე იგერიებდნენ უკრაინელების შეტევას, რომ შედეგად საკუთარი თვითმფრინავი ჩამოგდეს. ასე ვთქვათ, ბრძოლა გრძელდება“, – თქვა პლეტენჩუკმა.
მან ასევე დასძინა, რომ დროებით ოკუპირებულ ყირიმზე განხორციელებული თავდასხმის შედეგად რუსული ნავთობის კიდევ ერთი ბაზა დაიწვა, რის გამოც ნახევარკუნძულზე საწვავის მარაგები კიდევ უფრო შემცირდება.
კომენტარები