ხაჩატურ აბოვიანის სახელობის სომხეთის სახელმწიფო პედაგოგიური უნივერსიტეტის რექტორი და პრორექტორი დააკავეს. ინფორმაციას ამის შესახებ სომხური მედია ავრცელებს.
სომხეთის ანტიკორუფციული კომიტეტში აცხადებენ, რომ რექტორი და პრორექტორი მათ მიერ წარმოებული სისხლის სამართლის გამოძიების ფარგლებში დააკავეს.
მედიის ცნობით, რექტორს და პრორექტორს ბრალი ედებათ უნივერსიტეტის თანამშრომლებისგან შემდგარი დანაშაულებრივი ორგანიზაციის შექმნასა და ხელმძღვანელობაში, განსაკუთრებით დიდი მასშტაბით თანხის მითვისებასა და თაღლითობაში, ასევე ქრთამის აღებაში.
სისხლის სამართლის საქმის ფარგლებში ასევე დააკავეს უნივერსიტეტის რამდენიმე თანამშრომელი.
კომენტარები