ტელეწამყვან ლევან როსტოშვილთან და მსახიობ ლაშა კურტანიძესთან საპროცესო შეთანხმება გაფორმდა, შეთანხმების საფუძველზე, ორივე მათგანს სასჯელის ვადა შეუმცირდა. ამის შესახებ ადვოკატმა მალხაზ სალაყაიამ განაცხადა.
როგორც სალაყაიამ განმარტა, დღეს სააპელაციო სასამართლოში შედგა განხილვა, სადაც გაფორმდა საპროცესო შეთანხმება, რომლის მიხედვითაც რეალური სასჯელის ვადად ლაშა კურტანიძეს ერთი, ხოლო ლევან როსტოშვილს კი სამი წელი განესაზღვრათ. მათვე დაეკისრათ 40 ათისი ლარი ჯარიმის გადახდა და პირობითი სასჯელი, კურტანიძის შემთხვევაში სამი წელი და როსტოშვილის შემთხვევაში ოთხი წელი.
საქალაქო სასამართლოს გადაწყვეტილებით, ლევან როსტოშვილს 8 წლით, ხოლო მსახიობ ლაშა კურტანიძეს 5 წლით თავისუფლების აღკვეთა ჰქონდა მისჯილი.
როსტოშვილი და კურტანიძე 2016 წლის 6 მაისს დააკავეს.