ისეთ დროში ვცხოვრობთ და ისეთი ადამიანების გარემოცვაში, რომ უმძიმეს წუთებშიც კი შეუძლიათ თავს დაესხან ჭირისუფალს და წარმოუდგენელი სიძულვილი აფრქვიონ, – წერს სოციალურ ქსელში ადვოკატი ირმა ჭკადუა, რითაც ეხმიანება მუსიკალური რეჟისორის ლაშა ბასლანძის გარდაცვალებასთან დაკავშირებით რადიკალთა გარკვეული ჯგუფების რეაქციას.
„გულდაწყვეტილი ვარ ლაშა ბასლანძის გარდაცვალებით, მიჭირს სხვა რამეზე ფიქრი და მუშაობა… ფიქრებით და ემოციით მისი ოჯახის გვერდით ვარ…
თუმცა, ისეთ დროში ვცხოვრობთ და ისეთი ადამიანების გარემოცვაში, რომ უმძიმეს წუთებშიც კი შეუძლიათ თავს დაესხან ჭირისუფალს და წარმოუდგენელი სიძულვილი აფრქვიონ, მხოლოდ იმიტომ, რომ თავად არიან ძალიან მძიმე მდგომარეობაში როგორც ემოციურად, ისე მორალურად…
ბევრი არაფერია სათქმელი ამ ღირებულება დაკარგულ, სულიერად და ზნეობრივად გაღატაკებულ ადამიანებზე, რომლებიც ცდილობენ, ჩრდილი მიაყენონ ლაშა ბასლანძის ხსოვნას. მათ მხოლოდ ამას შევახსენებ: “ათას ცოცხალსა ბევრჯელა ასჯერ სჯობს ერთი მკვდარია“, – წერს სოციალურ ქსელში ირმა ჭკადუა.