იუნესკო-ს გენერალური კონფერენციის 43-ე სესიის ფარგლებში, საქართველოს საგარეო საქმეთა მინისტრმა, მაკა ბოჭორიშვილმა იუნესკო-ს გენერალურ დირექტორთან, ოდრე აზულესთან შეხვედრა გამართა.
საქართველოს საგარეო საქმეთა სამინისტროს ინფორმაციით, შეხვედრაზე მხარეებმა დადებითად შეაფასეს საქართველოსა და იუნესკო-ს შორის არსებული თანამშრომლობა კულტურის, განათლებისა და მეცნიერების მიმართულებით და განიხილეს ურთიერთობების შემდგომი პერსპექტივები.
მაკა ბოჭორიშვილმა ოდრე აზულეს მადლობა გადაუხადა თანამშრომლობისთვის და საქართველოს კულტურული მემკვიდრეობის დაცვის მიმართულებით განხორციელებული პროექტების მხარდაჭერისთვის.
შეხვედრაზე ყურადღება დაეთმო საქართველოს ოკუპირებულ ტერიტორიებზე არსებული კულტურული მემკვიდრეობის საკითხს.
ოდრე აზულემ მადლობა გადაუხადა ქართულ მხარეს იუნესკო-ს საქმიანობაში აქტიური ჩართულობისთვის.