ათენში საქართველო-საბერძნეთის ბიზნეს ფორუმი გაიმართა, რომელიც ბერძნული კერძო სექტორის წარმომადგენლებისთვის საქართველოში არსებული ბიზნეს შესაძლებლობებისა და საინვესტიციო გარემოს გაცნობას ისახავდა მიზნად.
ფორუმში საქართველოს სავაჭრო-სამრეწველო პალატის პრეზიდენტი და ინოვაციებისა და ტექნოლოგიების სააგენტოს ხელმძღვანელი მონაწილეობდნენ.
პანელური დისკუსია მიზნად ისახავდა უცხოელი ინვესტორებისათვის საქართველოს სავაჭრო-საინვესტიციო პოტენციალისა და ქვეყანაში არსებული ბიზნესისათვის ხელსაყრელი და შეღავათიანი რეგულაციების გაცნობას, ასევე საქართველოსა და საბერძნეთის ეკონომიკური კავშირებისა და თანამშრომლობის გაღრმავებას.
კომენტარები