სამსახურებრივი უფლებამოსილების ბოროტად გამოყენების ფაქტზე დაკავებულ, ინფრასტრუქტურის მინისტრის ყოფილ მოადგილეს პატიმრობა შეეფარდა.
გამოძიების ინფორმაციით, კობა გაბუნიამ, ბაღების ფულიდან მილიონები იმ კომპანიას მისცა ავანსად, რომელიც ვალდებულებებს არ ასრულებდა. „ლაგი კაპიტალმა“ 9 მილიონი მიიღო, მაგრამ საბავშვო ბაღები არ ააშენა.
გაბუნიას დაქვემდებარებაში იყო მუნიციპალური განვითარების ფონდი, რომელმაც 2023–2024 წლებში შპს „ლაგი კაპიტალზე” საბავშვო ბაღების რეაბილიტაციისთვის 11 მილიონ ლარზე მეტი ავანსი გასცა.
საქმის ფარგლებში, საგამოძიებო მოქმედებები სხვადასხვა ობიექტზე ჩატარდა. ბიუჯეტიდან ბაღების ფულის მითვისების საქმეში პირველი ბრალდებულები შპს „ლაგი კაპიტალის“ ხელმძღვანელები იყვნენ. 9 მილიონ 365 ათას 801 ლარის თაღლითურად დაუფლებისა და 1 მილიონ 211 ათასი ლარის უკანონო შემოსავლის ლეგალიზაციის ფაქტზე.
დაკავებულები იყვნენ მუნიციპალური განვითარების ფონდის ყოფილი აღმასრულებელი დირექტორი დავით ტაბიძე, ფონდის პროგრამის მენეჯერი და ამავე სამსახურის პროექტის მენეჯერი, რომლებმაც სრულად ითანამშრომლეს გამოძიებასთან და მათ აღკვეთის ღონისძიების სახით სასამართლოს მიერ გირაო შეეფარდათ.