ჩვენ მაქსიმალურად უნდა დავიხარჯოთ იმისთვის, რომ თითოეული სიტყვა, რაც წინასაარჩევნო დაპირების დროს ვუთხარით ამომრჩეველს 4 წლის განმავბლობაში მაქსიმალურად შევასრულოთ, – განაცხადა თბილისის საკრებულოს თავმჯდომარის მოადგილემ, თინათინ ნიბლოშვილმა გადაცემაში „დღის ქრონიკა“.
როგორც მან აღნიშნა ძალიან მასშტაბური და ამბიციური პროექტების აქვთ.
„დედაქალაქის მთავრობის გუნდში არიან ადამიანები, რომლებიც უკვე არაერთი წელია იღებენ მონაწილეობას ქალაქის მნიშვნელოვანი საკითხების გადაწყვეტაში. დიდი იმედი გვაქვს, რომ იმ ამბიციურ გეგმებს, რაც კახა კალაძემ წინასაარჩევნო კამპანიის დროს, ასევე, მაჟორიტარმა დეპუტატებმა, რომლებმაც 10-ივე რაიონის მასშტაბით კარგი საარჩევნო კამპანია აწარმოეს და ზედმიწევნით იციან მოქალაქეების პრობლემები, მათთან ერთად შევასრულებთ.
ძალიან მასშტაბური და ამბიციური პროექტები გვაქვს, როგორიცაა სატრანსპორტო პოლიტიკა, ჯანდაცვა, განათლება, ძალიან ბევრი და მრავალი მიმართულებით არის წარმოდგენილი დედაქალაქის მერის და ჩვენი მაჟორიტარების დაპირებები. ჩვენ მაქსიმალურად უნდა დავიხარჯოთ იმისთვის, რომ თითოეული სიტყვა, რაც წინასაარჩევნო დაპირების დროს ვუთხარით ამომრჩეველს 4 წლის განმავლობაში მაქსიმალურად შევასრულოთ“, – აღნიშნა თინათინ ნიბლოშვილმა.