ორგანიზაცია, რომლისთვისაც ნიკა გვარამია გმირია და განსაკუთრებული ჯილდო გადასცეს, რა თქმა უნდა ბიძინა ივანიშვილი მათთვის ნომერ პირველი მტერია, – განაცხადა საქართველოს პარლამენტის თავმჯდომარის მოადგილემ, ნინო წილოსანმა „რეპორტიორები საზღვრებს გარეშე“ -ს მიერ გამოქვეყნებულ სტატიაზე საუბრისას.
მისივე თქმით, არც იყო გასაკვირი, რომ ისინი ამ უტიფრობასაც იკადრებდნენ.
„ის სია, რომელიც მათი მხრიდან არის გამოქვეყნებული, სადაც სამწუხაროდ ასეთ სამარცხვინო ფაქტს აქვს ადგილი, ვერ დადასტურდება ვერანაირი კონკრეტიკით, რადგან საქართველო არის ქვეყანა, სადაც მედია არის ისეთი თავისუფალი, როგორიც შეიძლება რიგ ევროპულ ქვეყნებშიც კი არ იყოს.
მედიას ფლობენ რადიკალი ოპოზიციური ლიდერები, მედიას აფინანსებენ ყოფილი თავდაცვის მინისტრები, არის მედია საშუალებები, რომელიც არასწორი ნარატივების და გარედან შემოსული დაფინანსებით საზრდოობს იმისთვის, რომ აქ არეულობები მოაწყონ.
ამის მიუხედავად ამ ქვეყანაში არც ერთი მედია ჩვენი ხელისუფლების პერიოდში არ დაკეტილა, ან არ ყოფილა შევიწროების არც ერთი მცირედი ფაქტიც კი“, – აღნიშნა ნინო წილოსანმა.
აბსურდული ბრალდებები და ფაქტობრივი შეცდომები – „რეპორტიორები საზღვრებს გარეშე“ – წერს, რომ 2025 წელს ბიძინა ივანიშვილმა მედია მიიტაცა- ამავე სიაში ორგანიზაციამ შეიყვანა ილონ მასკი, ვიქტორ ორბანი, რობერტ ფიცო და ბენიამინ ნეთანიაჰუ.