დონეცკის რეგიონის ქალაქ პოკროვსკში რუსეთის აქტივობა თითქმის ყველა უბანსა და რაიონში შეინიშნება, – ამის შესახებ 68-ე ცალკეული რეინჯერთა ბრიგადის ერთ-ერთმა სამხედრო მოსამსახურემ „კიევ 24“-თან საუბრის დროს განაცხადა.
უკრაინელი სამხედროს თქმით, რუსი ჯარისკაცების შეღწევა ამჟამად ქალაქის სამხრეთ და სამხრეთ-დასავლეთ მიმართულებებიდან ხდება და ყველაზე მეტ ძალისხმევას სამხრეთ უბნებში დასაყრდენის მოსაპოვებლად ხარჯავენ.
სამხედრო პირი აღნიშნავს, რომ ვითარება მართლაც არასტაბილურია და შესაძლოა, გარკვეული პოზიციები შეიცვალოს. როგორც მან აღნიშნა, რუსები ორი მხრიდან ცდილობენ შეტევას, რათა სრულად ალყაში მოაქციონ უკრაინული ძალები.
კომენტარები