ისრაელის სამხედრო ძალებმა 70 000-ზე მეტი პალესტინელი, ძირითადად ბავშვები და ქალები დახოცეს ღაზაში, – ამის შესახებ თურქეთს პრეზიდენტმა, რეჯეფ თაიფ ერდოღანმა განაცხადა.
თურქეთის პრეზიდენტის თქმით, ათობით მილიარდი დოლარის ოდენობის უზარმაზარი ნგრევაა ღაზის სექტორში და ნანგრევების გაწმენდის შემთხვევაშიც კი, შესაძლოა, არასდროს წაიშალოს ის ტრავმა, რომელსაც განიცდიან უდანაშაულო ბავშვები, რომელთა მშობლებიც მათ თვალწინ მოკლეს.
ერდოღანმა აღნიშნა, რომ თურქეთმა დიდი ძალისხმევა გაიღო ცეცხლის მუდმივი შეწყვეტისა და სამართლიანი მშვიდობის უზრუნველსაყოფად.
„კიდევ ერთხელ გამოვხატავ მადლიერებას რეგიონის ყველა ქვეყნის მიმართ, რომლებმაც მხარი დაუჭირეს პროცესს, განსაკუთრებით კატარისა და ეგვიპტის მიმართ. მე მჯერა, რომ ჩვენ გავაგრძელებთ ამ სამაგალითო სოლიდარობას კიდევ უფრო დიდი ძალითა და მონდომებით მომდევნო პერიოდში. ასევე, კიდევ ერთხელ მადლობას ვუხდი აშშ-ის პრეზიდენტს, ტრამპს ცეცხლის შეწყვეტის რეჟიმის დამყარებისას გამოვლენილი ნებისთვის. როგორც ჩანს, „ჰამასს“ საკმაოდ მტკიცედ აქვს გადაწყვეტილი, დაიცვას შეთანხმება. თუმცა ყველანი ვხედავთ, რომ ისრაელის მონაცემები ამ საკითხთან დაკავშირებით ძალიან ცუდია. ჩვენ წინაშეა ადმინისტრაცია, რომელმაც ცეცხლის შეწყვეტის შეთანხმების შემდეგ 200-ზე მეტი უდანაშაულო ადამიანი მოკლა, სხვადასხვა საბაბის მიღმა იმალებოდა და აგრძელებს ოკუპაციას და თავდასხმებს დასავლეთ ნაპირზე“, – განაცხადა თურქეთის პრეზიდენტმა.