უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა არ დათანხმდება ევროკავშირში მეორეხარისხოვან სტატუსს და მოწვევის შემდეგ ბლოკის სრულფასოვან წევრად უნდა განიხილებოდეს.
„თუ ევროკავშირის წევრობაზე ვსაუბრობთ, ის სრულფასოვანი უნდა იყოს […] ევროკავშირის ნახევრად წევრი ვერ იქნები“, – განაცხადა ზელენსკიმ.
„მეჩვენება, რომ ძალიან მნიშვნელოვანია, ერთ მაგიდასთან თანასწორი ქვეყნები ვისხდეთ“, – აღნიშნა მან.
გაფართოების საკითხებში ევროკომისარ მარტა კოსის განცხადებით, ევროკავშირი ახალი წევრების მიღებას „გამოსაცდელი ვადით“ გეგმავს.
კოსის განცხადებით, ევროკავშირში არსებობს შიში, რომ ახალმა ქვეყნებმა, შესაძლოა, რუსეთის „ტროას ცხენის“ როლი შეასრულონ.
კომენტარები