აშშ-ში საქართველოს საგანგებო და სრულუფლებიანმა ელჩმა, თამარ ტალიაშვილმა აშშ-ის კონგრესმენთან, კით სელფთან შეხვედრა გამართა, რომელიც ტეხასის შტატს წარმოადგენს და კონგრესის წარმომადგენელთა პალატის საგარეო საქმეთა კომიტეტის ევროპის საკითხთა ქვეკომიტეტის თავმჯდომარეა. ამის შესახებ აღნიშნულია აშშ-ში საქართველოს საელჩოს ფეისბუქგვერდზე.
„კონგრესმენი კიტ სელფი დამსახურებული სამხედრო ვეტერანი და ასევე აშშ-ის კონგრესის ვეტერანთა საკითხების კომიტეტის წევრია.
შეხვედრაზე განიხილეს ქართულ-ამერიკული ურთიერთობები და სამომავლო განვითარების პერსპექტივები. ასევე ისაუბრეს რეგიონული და გლობალური მასშტაბით არსებულ შესაძლებლობებსა და გამოწვევებზე.
ელჩმა ხაზი გაუსვა გამორჩეული ქართველის, გენერალ ჯონ მალხაზ შალიკაშვილის კონგრესმენის მიერ დიდი პატივისცემითა და სითბოთი მოგონებას“, – აღნიშნულია გავრცელებულ ინფორმაციაში.