დონალდ ტრამპის მიერ დანგრეული თეთრი სახლის აღმოსავლეთ ფრთა, მისი პრეზიდენტობის იდეალური სიმბოლოა, – განაცხადა ჯო ბაიდენმა ნებრასკაში „დემოკრატიული პარტიის“ ღონისძიებაზე სიტყვით გამოსვლისას. ამერიკის შეერთებული შტატების ყოფილმა პრეზიდენტმა თეთრი სახლის მოქმედი ლიდერი კონსტიტუციისა და დემოკრატიის ხელყოფაში დაადანაშაულა.
„ვიცოდი, რომ ტრამპი ქვეყანას დამანგრეველ დარტყმას მიაყენებდა, მაგრამ უნდა ვაღიარო – არ ვიცოდი, რომ ეს რეალური ნგრევა იქნებოდა. ის დამანგრეველ დარტყმას არა მხოლოდ თეთრ სახლს, არამედ კონსტიტუციას, კანონის უზენაესობასა და დემოკრატიას აყენებს. მის მიერ დანგრეული თეთრი სახლის აღმოსავლეთი ფრთა მისი პრეზიდენტობის იდეალური სიმბოლოა“, – განაცხადა ბაიდენმა.
დონალდ ტრამპის გეგმის მიხედვით, რომელიც თეთრ სახლში მიღებებისთვის ახალი დარბაზის მშენებლობას ითვალისწინებს, ისტორიული შენობის ნაწილი დაანგრიეს