სომხეთის საგარეო საქმეთა მინისტრის არარატ მირზოიანის განცხადებით, სომხურ-ქართული ტრადიციული მეგობრობა ძალზე დიდ შესაძლებლობებს იძლევა.
მისი თქმით, ორმა ქვეყანამ სტრატეგიული პარტნიორობით უნდა შეძლოს უფრო გააღრმაოს ურთიერთდაკავშირებადობა.
„სომხურ-ქართული ტრადიციული მეგობრობა ძალზე დიდ შესაძლებლობებს გვაძლევს. მას შეუძლია ხელი შეუწყოს ჩვენ ურთიერთობებს. ჩვენ სტრატეგიული პარტნიორობით უნდა შევძლოთ უფრო გავაღრმაოთ ურთიერთდაკავშირებადობა. დღეს კოლეგასთან ერთად ეს მიდგომა განვიხილეთ და, ვფიქრობთ, არსებობს ორმხრივი გაგება. ჩვენ, ბუნებრივია, ბიზნესწრეების საკითხებიც განვიხილეთ. ჩვენ ხალხებს შორის კავშირი აგრეთვე გამოიხატება კულტურის სფეროში. ძალზე დიდი მნიშვნელობა აქვს სომხეთსა და საქართველოში კულტურის დღეების ჩატარებას. უნდა აღვნიშნო, რომ სხვადასხვა მიმართულებებით ურთიერთობების პარალელურად ხაზგასასმელია ჩვენ უწყებებს შორის თანამშრომლობა“, – განაცხადა მირზოიანმა თავის ქართველ კოლეგასთან მაკა ბოჭორიშვილთან გამართულ ერთობლივ პრესკონფერენციაზე.