საპარლამენტო პოლიტიკური ჯგუფ „ხალხის ძალის“ თავმჯდომარე დიმიტრი ხუნდაძე პეტერ ფიშერის მიერ გაკეთებულ განცხადებებსა და მის ქმედებებს „ქრონიკასთან“ აფასებს. დეპუტატი აღნიშნავს, რომ საზოგადოება ამ ამბავს თავშეკავებით უნდა მიუდგეს.
„ევროლიბერალებმა გახარია წაიყვანეს, ფიშერი ახალი ინსტრუქციებით გამოაგზავნეს. როგორც ჩანს, ის [პეტერ ფიშერი] მოდის პირდაპირ პროვოკაციებზე და აქვე, მათ, არ აქვთ ადგილობრივი რადიკალების იმედი, ამიტომ თავად საკუთარ ფიგურებს აგზავნიან. ჩვენ ვნახეთ ფინეთის საგარეო საქმეთა მინისტრი, რომელიც აქციას აღვივებდა. დღეს ვუყურებთ გერმანიის ელჩს საქართველოში, რომელიც ცდილობს, რამენაირად წაახალისოს დესტრუქცია, ეს არ არის ახალი, მაგრამ კიდევ დამატებითი ლუსტრაციაა. ვფიქრობ, ჩვენ მეტი დაფიქრებით, გონიერებითა და თავშეკავებით უნდა მივუდგეთ ამ ამბავს, რადგან ეს არის პირდაპირი პროვოკაცია“, – აღნიშნა დიმიტრი ხუნდაძემ.
გერმანიიდან დაბრუნებული ელჩი ფიშერი კვლავ აქციაზე მივიდა და რადიკალურ დაჯგუფებას მხარდაჭერა კიდევ ერთხელ გამოუცხადა.
გერმანიამ პეტერ ფიშერი კონსულტაციებისთვის ოქტომბერში გაიწვია. ელჩი თბილისში 6 ნოემბერს დაბრუნდა.