პაველ ჰერჩინსკი ასრულებს ევროკავშირის ბიუროკრატიის დავალებებს. ის არის ერთ-ერთი ჩვეულებრივი დიპლომატი, რომელმაც დავალებები უნდა შეასრულოს, მისი ფუნქცია ეს არის, – განაცხადა გადაცემაში „EURO ანატომია“ „ხალხის ძალის“ საერთაშორისო ურთიერთობების მდივანმა, დეპუტატმა ეკა სეფაშვილმა.
როგორს დეპუტატმა აღნიშნა, პაველ ჰერჩინსკიმ პატივი უნდა სცეს მასპინძელ ქვეყანას და არადიპლომატიური განცხადებებისგან თავი შეიკავოს.
„ჩემი აზრით, ის ცოტა თავშეკავებული უნდა იყოს, ვგულისხმობ მის მიერ გავრცელებულ ხისტ გამონათქვამებს, საქართველოში იმ უხეშ და პირდაპირ ჩარევებს, რომლითაც ცდილობდა, საქართველოს მოქალაქეების არჩევანზე მოეხდინა გავლენა. ეს არის ადამიანი, რომელმაც იცის, რომ რეალურად მიმდინარეობს თანამშრომლობა, ინტეგრაცია, ისიც, რომ ეს ხმამაღალი პოლიტიკური განცხადებები მხოლოდ და მხოლოდ პოლიტიკური ზეწოლის ინსტრუმენტია და სხვა არაფერი და ამის ფონზე აკეთებს უხეშ, ხისტ, არადიპლომატიურ განცხადებებს თუ ქმედებებს. აქ არის მისი პასუხისმგებლობა, შეუძლია თავშეკავებული იყოს, პატივი სცეს მასპინძელ ქვეყანას და იმ საერთაშორისო სამართალს, რომლის მიხედვითაც იგი მოვლენილია საქართველოში“, – აღნიშნა ეკა სეფაშვილმა.