უკრაინის ეროვნული უშიშროებისა და თავდაცვის საბჭოს მდივანმა, რუსტემ უმეროვმა განაცხადა, რომ ქვეყნის პრეზიდენტის დავალებით, თურქეთსა და არაბეთის გაერთიანებულ საამიროებში, შუამავლების მეშვეობით რუსეთთან ტყვეების გაცვლის შესახებ კონსულტაციები გამართა.
„შედეგად მხარეები სტამბოლის შეთანხმების გააქტიურებას დათანხმდნენ. საუბარია 1200 უკრაინელის გათავისუფლებაზე“, – განაცხადა უმეროვმა.
მისივე თქმით, უახლოეს პერიოდში გაიმართება ტექნიკური კონსულტაციები, რომლებიც „ყველა პროცედურულ და საორგანიზაციო მომენტს დაამტკიცებენ“.
რუსულ მხარეს ამ თემაზე კომენტარი ჯერ არ გაუკეთებია.
ბოლოს კიევმა და მოსკოვმა ტყვეები 2 ოქტომბერს გაცვალეს. მხარეებმა ერთმანეთს 185-185 სამხედრო გადასცეს, ამასთან, რუსეთში 20 სამოქალაქო პირი დაბრუნდა.
კომენტარები