ბუდაპეშტში ტრამპისა და პუტინის შეხვედრის ჩაშლა რუსეთისთვის სტრატეგიული შეცდომაა, – განაცხადა ფინეთის პრეზიდენტმა AP-სტან ინტერვიუში. ალექსანდრ სტუბის თქმით, რუსეთის საგარეო საქმეთა მინისტრ სერგეი ლავროვთან საუბრის შემდეგ, შტატების სახელმწიფო მდივანმა, მარკო რუბიომ, სავარაუდოდ, გააცნობიერა, რომ რუსები არანაირ დათმობაზე არ წავიდნენ.
„პუტინს სურს უკრაინის დამოუკიდებლობის, სუვერენიტეტისა და ტერიტორიული მთლიანობის უარყოფა და ეს მიზნები ომის დაწყებიდან თითქმის ოთხი წლის შემდეგაც არ შეცვლილა“, – აღნიშნა სტუბმა.
პრეზიდენტი წელს ცეცხლის შეწყვეტის შესახებ შეთანხმების მიღწევას ან მოლაპარაკებების დაწყებას არ ელის და აღნიშნავს, რომ კარგი იქნება, თუ „გარკვეული ძვრები“ მარტში იქნება.
ის ასევე მიიჩნევს, რომ უკრაინაში მშვიდობის მისაღწევად, ტრამპმა და ევროპელმა ლიდერებმა პუტინზე ზეწოლა უნდა გააძლიერონ. ამასთან, სტუბმა დადებითად შეაფასა რუსული „ლუკოილისთვისა“ და „როსნეფტისთვის“ სანქციების დაწესება, თუმცა აღნიშნა, რომ ამ მიმართულებით მეტის გაკეთებაა საჭირო.