ამ პროექტში წარმოდგენილი იქნება ის აუცილებელი საკითხები, რომლებიც ჩვენს პოლიციელებს განსაკუთრებით სჭირდებათ, – განაცხადა საპარლამენტო უმრავლესობის წევრმა რიმა ბერაძემ შინაგან საქმეთა სამინისტროს მიერ შემუშავებულ საკანონმდებლო ცვლილებათა პაკეტზე საუბრისას.
მისი თქმით, პოლიციელების შრომა უნდა დაფასდეს.
„ჩვენ მიგვაჩნია, რომ ამ პროექტის განხორციელება დიდი თანადგომის გამოხატულებაა ჩვენი პოლიციელების მისამართით, რადგან ისინი ნამდვილად ჩვენი ქვეყნის გმირები არიან და მათ შრომას დაფასება და მხარში დგომა სჭირდება“, – აცხადებს ბერაძე.
საკანონმდებლო ცვლილებათა პაკეტი, რომელიც შსს-მ შეიმუშავა, დღეს პარლამენტის ბიუროზე დაინიცირდება.
კომენტარები