ყველაფერი გააკეთეს ჩვენმა ფეხბურთელებმა და ყველაფერს აკეთებენ ჩვენი ქვეყნის სასარგებლოდ, – განაცხადა საპარლამენტო უმრავლესობის წევრმა, „ქართული ოცნების“ ვაკის რაიონის დელეგატმა ზუკა რურუამ.
რურუა გამოეხმაურა რადიკალური ოპოზიციისა და მათი თანამოაზრე აქტივისტების მიერ, ეროვნული ნაკრების ფეხბურთელების მისამართით წამოწყებულ ბულინგის კამპანიას.
„ეს მათი ნარატივია როგორც ყოველთვის, ყველაფერი პოლიტიკურ განზომილებაში გადაჰყავთ. ჩვენი ჯანსაღი საზოგადოება სწორედ აფასებს მათ ამ ქმედებებს და ეს ძალიან მნიშვნელოვანია. ამიტომ მათ განცხადებებს და ბულინგს უკვე არანაირი ძალა არ აქვს არავისთვის. ჩვენი სპორტსმენები ყოველთვის იყვნენ საამაყო ადამიანები“, – აცხადებს რურუა.
ცნობისთვის, საქართველო-ესპანეთის მატჩის შემდგომ ეროვნული ნაკრების ფეხბურთელების მისამართით ბულინგის მორიგი კამპანია დაიწყო.