პოდოლიაკს მიხეილ სააკაშვილი იქ ჰყავდა და საქართველოში რატომ გამოუშვა? ვეხვეწებოდით, რომ გამოუშვეს? რა მიზნითაც გამოუშვეს, ის მიზანი დასჯადია, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
მაჭარაშვილის თქმით, სააკაშვილმა არა მხოლოდ ის მიზანი შეასრულა, რითიც გამოუშვეს, არამედ საერთაშორისო სასამართლომ სხვა დანაშაულებრივი ფაქტი გამოუვლინა.
„დამსახურებულ სასჯელს იხდის. პოდოლიაკმა თავის ქვეყანას რომ მიხედოს, უკეთესია, სადაც სამწუხარო რეალობაა. სააკაშვილი სწორედ მათი წარმომადგენელია. თავის ქვეყანაში როცა ასეთი რთული ვითარება აქვთ და სხვა ქვეყნის ყოფილი პრეზიდენტისთვის იცლიან, ეს ნიშნავს, რომ ერთი წრეა გლობალური ომის“, – განაცხადა მაჭარაშვილმა.
უკრაინის პრეზიდენტის ოფისის ხელმძღვანელის მრჩეველმა, მიხაილ პოდოლიაკმა „ტვ პირველთან“ ინტერვიუში განაცხადა: „სააკაშვილის წამოყვანა ჩვენი დღის წესრიგის ნაწილია, მივმართავთ საქართველოს ოფიციალურ ხელისუფლებას, მოგვცენ საშუალება, უკრაინაში თუ არა, სხვა ქვეყანაში მაინც გადავიყვანოთ სამედიცინო მიზნებით“.