აშშ-ის პრეზიდენტი დონალდ ტრამპი აცხადებს, რომ ხელს მოაწერს კანონპროექტს ეპშტეინის ფაილების გასაჯაროების შესახებ, თუმცა არ სურს, რომ ამ საკითხმა მისი ადმინისტრაციის მიერ მიღწეული წარმატებებიდან ყურადღება გადაიტანოს.
„ჩვენ ეპშტეინთან არაფერი გვაქვს საერთო, დემოკრატებს აქვთ. მისი ყველა მეგობარი დემოკრატი იყო. შეხედეთ რიდ ჰოფმანს, შეხედეთ ლარი სამერსს, ბილ კლინტონს, ისინი მუდმივად დადიოდნენ მის კუნძულზე და ბევრ სხვას, ყველა დემოკრატს. მე რაც მინდა, არის ის, რომ ხალხმა აღიაროს ის შესანიშნავი სამუშაო, რაც მე გავაკეთე ფასების, ხელმისაწვდომობის კუთხით, რადგან ჩვენ ფასები მნიშვნელოვნად დავწიეთ, მაგრამ ისინი გაცილებით დაბლა ჩავა, ენერგეტიკის კუთხით, რვა ომის დასრულების კუთხით და კიდევ ერთის დასრულების, რომელიც, მგონი, მალე დასრულდება. ჩვენ შესანიშნავი სამუშაო გავწიეთ და არ მინდა, რომ ყურადღება ამაზე გადავიდეს. ამიტომ მე სრულად ვუჭერ მხარს. იცით, ჩვენ უკვე 50 000 გვერდი გავეცით. სამწუხაროდ, რამდენიც არ უნდა გავცეთ, არასდროს არის საკმარისი. ეს სინამდვილეში დემოკრატების პრობლემაა“, – განაცხადა ტრამპმა.
ცნობისთვის, გუშინ აშშ-ის პრეზიდენტმა, დონალდ ტრამპმა კონგრესის რესპუბლიკელ წევრებს მოუწოდა, ჯეფრი ეპშტეინთან დაკავშირებული ფაილების გამოქვეყნებისთვის ხმა მიეცათ.